Pyetjet e shpeshta (FAQ)
A është CFG Kosova falas?
Shfletimi dhe shkarkimi i CFG-ve janë falas edhe pa llogari. Planet premium janë në përgatitje dhe pagesat nuk janë aktivizuar. Funksionet aktuale të komunitetit janë falas.
Çfarë është një cfg (autoexec) në CS2?
Një autoexec.cfg është një skedar cilësimesh që ekzekutohet kur nis CS2 — përmban komandat për sensitivity, crosshair, viewmodel, radar dhe më shumë. CFG Kosova ta gjeneron të plotë, me komente, gati për t'u shkarkuar.
Si ta shkarkoj CFG-në e një lojtari — a më duhet llogari?
Jo, nuk të duhet llogari. Hap seksionin CFG-të e komunitetit ose profilin e një lojtari, kliko CFG-në që të pëlqen dhe shkarko skedarin autoexec.cfg direkt. Llogaria duhet vetëm nëse do të postosh, komentosh apo publikosh CFG-në tënde.
Si ta instaloj autoexec.cfg në CS2?
Vendose skedarin te folderi i CS2: Steam/steamapps/common/Counter-Strike Global Offensive/game/csgo/cfg. Pastaj hap konsolën në lojë dhe shkruaj exec autoexec — ose shto +exec autoexec te launch options në Steam. Në kryefaqe ke një video të shkurtër që e tregon hap pas hapi.
Çfarë hapet kur krijoj llogari?
Me llogari falas mund të postosh në feed, të komentosh, të përdorësh chat-in global dhe mesazhet private, të publikosh CFG-në tënde me editorin live, të postosh LFT për të gjetur skuadër, të ndjekësh lojtarë dhe të fitosh achievements.
Si ta publikoj CFG-në time?
Pasi të kyçesh, hap CFG editor te menyja. Mund ta ndërtosh cilësim-pas-cilësimi me gjenerator live, ose të ngarkosh skedarin tënd ekzistues me NGARKO CFG. Kur e ruan si publike, shfaqet te CFG-të e komunitetit dhe në profilin tënd.
Për kë është platforma?
Për lojtarët shqiptarë të CS2 — Kosovë, Shqipëri, Maqedoni e Veriut dhe diasporë. Nga fillestarë deri te lojtarë gjysmë-profesionistë që kërkojnë skuadër ose duan të ndajnë setupin.
A mund të gjej skuadër këtu?
Po. Përdor LFT (Looking For Team), shfleto ekipet aktive me rolet e hapura, apliko direkt te një ekip ose kontakto lojtarë përmes mesazheve.
Pse më duhet të verifikoj email-in?
Verifikimi vërteton që email-i është yti dhe mbron komunitetin nga llogaritë false. Pa verifikim nuk mund të përdorësh funksionet e llogarisë. Kontrollo edhe dosjen Spam/Promotions nëse email-i nuk të vjen brenda pak minutash.
Si e mbaj llogarinë të sigurt në një kompjuter të përbashkët (internet cafe)?
Gjithmonë kliko butonin Dil kur mbaron — kjo e fshin sesionin plotësisht në këtë pajisje dhe personi tjetër nuk ka qasje në llogarinë tënde. Për siguri maksimale aktivizo 2FA (kod nga aplikacioni Authenticator) te Cilësimet, dhe mos e ruaj fjalëkalimin në shfletues të huaj.
Si i fshij të dhënat / llogarinë time?
Te Cilësimet → Fshi llogarinë mund ta fshish llogarinë në mënyrë të përhershme — postimet, komentet, mesazhet, cfg-të dhe miqësitë hiqen. Ky veprim nuk kthehet dot. Detajet i gjen te Politika e Privatësisë.
Si raportoj një lojtar ose përmbajtje të papërshtatshme?
Çdo postim, koment dhe profil ka opsionin Raporto. Raportet shqyrtohen nga ekipi i moderimit vendor — llogaritë që shkelin rregullat marrin mute, kick ose ban sipas Kushteve të Përdorimit.
A jeni të lidhur me Valve?
Jo. CFG Kosova është një platformë e pavarur komuniteti dhe nuk është e lidhur me Valve Corporation. Counter-Strike 2 është markë tregtare e Valve Corp.
Nuk e gjete përgjigjen?
Na shkruaj te info@cfgkosova.com — ose lexo Kushtet dhe Privatësinë.